10/ July/ 2019 ခုနှစ် ဗုဒ္ဓဟူးနေ့တွင် ဆီဆိုင်မြို့နယ်၊ ပုံလောင်းကျေးရွာ၊ ပအိုဝ်းအမျိုးသားဘက်စုံဖွံ့ ဖြိုးရေးကွင်း(ပုံလောင်း)မှာ တောတောင်နှင့် သဘာဝပတ်ဝန်းကျင်ထိန်းသိမ်းရေးဆိုင်ရာ ဆွေးနွေးဟောပြောပွဲ နှင့် စုပေါင်း သစ်ပင်စိုက်ပျိုးပွဲ ဆိုသည့် ခေါင်းစဉ်ဖြင့် ဆွေးနွေးဟောပြောခဲ့ပါသည်။ ဟောပြောပွဲတွင် တက်ရောက်လာကြသော ဒေသခံများမှာ နောင်ကျောကျေးရွာအုပ်စု ရွားများနှင့် ဆီဆိုင်မြို့နယ်မှ ရွာများအချို့တက်ရောက်လာကြပြီး၊ ရွာပေါင်း (၄၆) ရွာ၊ တက်ရောက်သူ (၇၀၀) ကျော် တက်ရောက်ခဲ့ကြပါ သည်။ စုပေါင်းသစ်ပင်စိုက်ပျိုးပွဲအခမ်းအနားတွင် ပျိုးပင်ပေါင်း (၂၂၀၀) ကျော်ဖြစ်ပြီး ပျိုးပင်အမျိုးအစားများမှာ ရွှေဝါး၊ ခါတော်မီ၊ ကျွန်း၊ မယ်စလီနှင့် ဝါပိုးပင်များဖြစ်ကြသည်။ စုပေါင်းသစ်ပင်စိုက် ပျိုးပွဲမှာ အဓိက ဆောင်ပုဒ် (၄) ခုဖြင့် (၁) ရေ၊ မြေ၊ တောတောင်သည် ငါတို့ဘဝဖြစ်သည်။ (၂) ငါတို့ထိန်းသိမ်း ကာကွယ်ရမည်။ (၃) ငါတို့ ပိုင်ဆိုင်ခွင့်ရှိသည်၊ ငါတို့ စီမံခွင့်ရှိရမည်။ (၄) ငါတို့ ဆုံးဖြတ်ပိုင်ခွင့်ရှိသည်။ စသည်တို့ဖြစ်သည်။

 

ဆရာတော် ဦးနေရိန္ဒ ဟောပြောချက် သဘာဝပတ်ဝန်းကျင်သန့်ရှင်းရေး အမှိုက်တွေ စည်းကမ်းမဲ့ စွန့်ပစ်မှုကြောင့် မြေထု၊ လေထု သာမက လူနေမှုဘဝပါပျက်စီးစေတယ်။ ကျွန်တော်တို့ သဘာဝသယံဇာတတွေ မပျက်စီးအောင် ထိန်းသိမ်းစောင့်ရှောက်ရမယ်၊ နွေရာသီမှာ တောမီးတွေ မလောင်အောင် ကာကွယ်တားဆီးရမယ်၊ မီးလောင်ရင် ကြီးလာမဲ့ အပင်ငယ်တွေ၊ သားရဲတိရိစ္ဆာန်တွေ အကုန် သေစေတယ်။ မိမိတို့ဒေသမှာ ရေ၊ မြေ၊ တောတောင်တွေ ပြန်လည်ရှင်သန်ရေး မြေလွတ်နေရာတွေ သစ်ပင်တွေ ပြန်လည်စိုက်ပျိုးဖို့လိုတယ်၊ ကောင်လွယ်တဖြီးဟာ ဆီဆိုင်မြို့သာမက ပတ်ဝန်းကျင်က ရွာတွေအတွက် အဓိက မှီခိုအားထားရာဖြစ်တဲ့အတွက် အဲ့ဒီတောင်ပေါ်မှာ သစ်တွေများများပြန်စိုက်ပျိုးဖို့ ဒီထက်မက အခြားသော မိမိတို့နဲ့နီးစပ်တဲ့ တောတောင်၊ မြေနေရာလွတ်တွေမှာ သစ်ပင်များပြန်လည်စိုက်ပျိုးဖို့ လိုအပ်တယ်။

 

ဦးခွန်ကျော်ဆွေ ပအိုဝ်းတောင်သူလယ်သမားသမဂ္ဂအဖွဲ့ (PFDU) မှ ပွဲဖြစ်မြောက်ရေးအတွက် ရည်ရွယ်ချက်များ ဟောပြောခြင်းဖြစ်သည်။

(၁) အုပ်စုအတွင်းရှိကျေးရွာ တစ်ရွာနှင့် တစ်ရွာအချင်းချင်း ချစ်ကြည်မှု၊ စည်းလုံးမှုနှင့် စုပေါင်းလုပ်ဆောင်မှုအား ပိုမိုအားကောင်းလာစေရန်။

(၂) သဘာဝပတ်ဝန်းကျင် စုပေါင်းထိန်းသိမ်းခြင်း အလေ့အထများ အားကောင်းလာစေရန်။

(၃) တစ်နေ့တခြား ပျက်ဆီးနေတဲ့ ကျွန်ုပ်တို့ ပတ်ဝန်းကျင် လူတွေသတိပြုမိပြီး၊ ပြန်လည်ထိန်းသိမ်းတဲ့ စိတ်ပေါ်လာစေရန်။

(၄) အနာဂါတ်မျိုးဆက်သစ်ခေါင်းဆောင် လူငယ်များ မိမိဒေသ ပတ်ဝန်းကျင်ကို ချစ်မြတ်နိုးတတ်စေရန် တို့ဖြင့် ဒါအပြင် ထင်းခုတ်ရင် အပင်တစ်ပင်လုံး မခုတ်ဘဲ ထားရန် လိုသလောက်ဘဲ ခုတ်ရန်၊ တောတောင်တွေကို မီးမရှိုရန်၊ အခုအပင်တွေစိုက်ပျိုးမှ နောင်လာနှောင်သားတွေ ကျွန်ုပ်တို့လို ဆိုးဝါးတဲ့ ရာသီဥတုဒဏ်မခံစားရ စတဲ့အကြောင်း ဟောပြောသွားခဲ့ပါသည်။ ပြန်သုံးသပ် သစ်ပင်စိုက်လို့ သီးနှံတွေ စိုက်ပျိုးလို့မရတာ မဟုတ်၊ သစ်ပင်မစိုက်ပျိုးလို့ သီးနှံတွေ စိုက်ပျိုးလို့ မရတာပါ ဟုဟောပြောခဲ့ပါသည်။

 

ခွန်ဦး (ပအိုဝ်းလူငယ်အစည်းအရုံး (PYO))

  • စုပေါင်းသစ်ပင်စိုက်ပျိုးတာ ဒီတစ်ကြိမ်ဘဲ လူဦးရေအများဆုံးမြင်ဖူးတယ်၊ ဒါဟာသမိုင်းထောက်တိုင် တစ်ခုကို စိုက်ထူလိုက်တာဖြစ်တယ်။ တောင်သူတွေ သစ်ခုတ်လို့ ဆိုတဲ့ အထင်သေး၊ အမြင်သေးတဲ့ အမြင်တွေကို ဖျေက်ပစ်ပြီး တောင်သူတွေလည်း သဘာဝပတ်ဝန်းကျင်းကို ထိန်းသိမ်းနေပါတယ် ဆိုတဲ့ သက်သေပြလိုက်တာဖြစ်တယ်။

တောင်သူတွေကို မှတ်ထားစေချင်တဲ့ အချက် (၃) ချက်ရှိပါတယ်

(၁) ပိုင်ဆိုင်ခွင့် (မိမိတို့ဒေသကမြေ၊ တောတောင်ကို မိမိတို့သာ ပိုင်ရမယ်)။

(၂) စီမံပိုင်ခွင့် (မိမိတို့ဒေသက ရေ၊ မြေ၊ တောတောင်ကို ကောင်းရာ၊ ကောင်းကြောင်း မိမိတို့ စီမံပိုင်ခွင့် ရှိရမည်။

(၃) ဆုံးဖြတ်ပိုင်ခွင့် (မိမိတို့ဒေသက ဖြစ်နေတဲ့ အရေးအရာကိစ္စများ မိမိတို့ ထဲထဲဝင်ဝင် ဆုံးဖြတ်ပိုင်ခွင့် ရှိရမည်။

ထို့အပြင် နောက်နှစ်တွေကိုလဲ ဒီလို စုပေါင်းသစ်ပင်စိုက်ပျိုးတဲ့ အလေ့အထ ပတ်ဝန်းကျင်းထိန်းသိမ်းတဲ့ အလေ့အထ ဆက်လက်လုပ်ဖို့လိုအပ်ကြောင်း ဟောပြောခဲ့ပါသည်။

 

 

ဦးခွန်ကျော်နို်င် (နောင်ကျောကျေးရွာအုပ်စု၊ အုပ်ချုပ်ရေးမှူး)

  • မြန်မာနိုင်ငံရဲ့ အခွန်ငွေထဲမှာ သယံဇာတမှရတာ အများဆုံးဖြစ်သော်လည်း သယံဇာတ ပြန်လည်ထိန်းသိမ်းဖို့ သုံးစွဲတဲ့ ငွေပမာဏဟာ ၀.၁ ရာခိုင်နှုန်းသာရှိကြောင်း။
  • လမ်းဘေး၊ ခြံဘေးနားမှာ လွတ်နေတဲ့မြေနေရာ စတဲ့နေရာတွေမှာ သစ်ပင်တွေ များများစိုက်ပျိုးဖို့လိုအပ်တယ်။
  • သစ်ပင်စိုက်ပျိုးတဲ့အခါမှာ တစ်နေ့ထဲ မမောရဖို့အတွက် ကိုယ်စိုက်ထားတဲ့ အပင်လေးတွေ ရှင်သန်အောင် မကြာခဏ လာကြည့်ဖို့လိုပြီး ရှင်သန်အောင် ပြုစုဖို့လိုအပ်ကြောင်း။
  • နွေရာသီမှာ ခြံရှင်းရင် မီးတွေရှိုတဲ့နေရာ မြေဆီလွှာအတွက် မကောင်းသလို၊ ပတ်ဝန်းကျင်ကိုလည်း ညစ်ညမ်းစေတယ်။
  • သစ်ပင်မစိုက်ပျိုးလို့ မိုးမရွာ၊ မိုးမရွာတော့ ရေမရ၊ ရေမရတော့ လျှပ်စစ်မီး အချိန်ပြည့်မရ၊ မီးတွေအချိန်ပြည့် မရတော့ ထင်းပြန်ခုတ် ဒီလိုတွေမဖြစ်အောင် ကျနော်တို့ ထိန်းသိမ်းကာကွယ်ရမယ် ဟုဟောပြောခဲ့ပါသည်။

 

 

Leave a Reply

Your email address will not be published. Required fields are marked *